Radio Purbi Rukum

रुकुम पूर्वमा उत्पादक, वितरक र उपभोक्तालाई सचेतना

रेडियो पूर्वी रुकुम

रुकुम पूर्वमा उत्पादित वस्तुको गुणस्तर र लेबलिङ सम्बन्धि सचेतना कार्यक्रम गरिएको छ । आज रुकुमकोटमा रहेको मल्ल होटेलमा घरेलु तथा साना उद्योग कार्यालय रुकुम पूर्वको आयोजनामा चेतना फैलाउने , बस्तुको गुणस्तर कायम गर्ने, उपभोक्तालाई ठगिनबाट बचाउने उदेश्यले सचेतना कार्यक्रम गरिएको हो । कार्यक्रममा घरेलु तथा साना उद्योग कार्यालयका कार्यालय प्रमुख तिलकराम वलिले वस्तुको गुणस्तर, गुणस्तरिय वस्तु, वस्तुको प्याकेजिङ, प्याकेजिङका मुख्य कार्यहरु, उपभोक्ता संरक्षण ऐन २०७५ र नियमावली २०७६ मा व्यवस्था गरिका निषेधित मुख्य कसुरहरुका बारेका जानकारी दिनुभएको थियो । त्यस्तै उहाले निरीक्षणका क्रममा हुने जरिवाना, उपभोक्ता संरक्षण नियमावली २०७६ को प्रावधान बारेमा जानकारी गराउनुभएको थियो ।

त्यस्तै जिल्ला समन्वय समिती रुकुम पूर्वका निमित्त कार्यालय प्रमुख रविन्द्र बुढाक्षेत्रीले वस्तुको परिभाषा, सेवा,गुणस्तरीय वस्तु वा सेवा, गुणस्तरीय वस्तु वा सेवाका विषेशता , गुणस्तरमा ध्यान दिनुपर्ने कुराहरु, उपभोक्तका अधिकारहरुका बारेका जानकारी दिनुभएको छ । कार्यक्रममा रुकुम पूर्वका प्रमुख जिल्ला अधिकारी कोपिला राई, सिस्ने गाउँपालिका ६ का वडाध्यक्ष पूर्ण बहादुर मल्ल ,कार्यालयका नायब सुब्बा सन्तोष मल्ल कार्यालयका कर्मचारीहरुको उपस्थिति रहेको कार्यक्रमको सञ्चालन कार्यालयका लेखापाल निर्मल आचार्यले गर्नुभएको थियो ।।